Sigmundur aðaldómari í Frakklandi í kvöld

Sigmundur Már Herbertsson fær flott verkefni í Frakklandi í kvöld en hann dæmir þá hörkuleik í Meistaradeild kvenna í körfubolta.

Sigmundur Már, sem er einn FIBA dómara Íslands, dæmir í kvöld leik Tango Bourges Basket gegn Sopron Basket í Bourges í EuroLeague kvenna í körfubolta.

Tango Bourges Basket hefur aðeins unnið einn af sex leikjum sínum í riðlakeppnini og er þremur stigum á eftir gestunum frá Sopron Basket sem hafa unnið 4 af 6 leikjum sínum.

Sigmundur Már er aðaldómari leiksins en með honum í kvöld dæma þeir Pedro Coelho frá Portúgal og Maciej Nazimek frá Póllandi.

Leikurinn fer fram í Palais des Sports du Prado höllinni í Bourges og það verður hægt að horfa á hann með því að smella hér eða hér fyrir neðan.