Jakob Örn stigahæstur í tapi

Jakob Örn Sigurðarson var stigahæstur í liði Borås sem lá fyrir Luleå á heimavelli í sænsku úrvalsdeildinni í körfubolta í kvöld.

Jakob skoraði 16 stig, eins og Andreas Person, tók 3 fráköst og gaf 2 stoðsendingar.

Leikurinn var jafn eftir fyrsta leikhluta og fóru heimamenn með tveggja stiga forystu inn í hálfleikinn 34-32. Gestirnir stigu hins vegar fram úr í þriðja leikhluta og gáfu forystuna ekki eftir aftur.

Leiknum lauk með sjö stiga sigru Luleå, 62-69.