United tapaði dýrmætum stigum eftir mistök De Gea

Manchester United tapaði dýrmætum stigum í baráttunni um sæti í Meistaradeild Evrópu þegar liðið tapaði 1-0 fyrir West Ham í dag. West Ham er nú sjö stigum frá fallsæti.

Leikurinn í dag byrjaði fjörlega. Marcus Rashford skaut í stöngina á marki West Ham eftir átján mínútur en Said Benrahma fann netmöskvana á marki United þegar hann kom heimaliðinu yfir á 27. mínútu leiksins. David De Gea hefði átt að gera betur í markinu sem skrifast á hann reikning.

Staðan í hálfleik var 1-0. Í síðari hálfleiknum kom West Ham boltanum í tvígang yfir línuna á marki United en í hvorugt skiptið fékk markið að standa. United gekk illa að komast í takt við leikinn og þrátt fyrir átta mínútna uppbótartíma tókst þeim ekki að jafna metin.

Lokatölur 1-0 og United tapar þar með dýrmætum stigum í baráttunni um sæti í Meistaradeild Evrópu. Liðið er einu stigi á undan Liverpool en á leik til góða. Newcastle er tveimur stigum ofar. West Ham færir sig hins vegar sjö stigum frá fallsæti með sigrinum.