Innlent

Gæslan fylgist með olíuskipi í vonskuveðri

Landhelgisgæslan hefur sent varðskip í áttina að 50 þúsund tonna olíuskipi, NS Pride, sem er í vonskuveðri suður af landinu á leiðinni frá Murmansk til New York með 25 þúsund tonna bensínfarm. Skipið kom inn í AIS eftirlitskerfi Vaktstöðvar siglinga þegar það nálgaðist suð-austurland seint í gærkvöldi.

Skóladansleik FS aflýst á Selfossi

Forrráðamenn Fjölbrauta Suðurlands ásamt stjórn nemendaráðs, hafa ákveðið að fella niður skóladansleik, sem fram átti að fara í klukkan 22 í kvöld í Ölfushöllinni, vegna veðurs og óhagstæðrar veðurspár.

Öllu innanlandsflugi hefur verið aflýst í dag

Öllu innanlandsflugi hefur verið aflýst í dag. Verður athugað með flug í fyrramálið. Á þetta við um bæði Flugfélag Íslands og flugfélagið Landsflug.

Vegur um Óshlíð opnaður á ný

Vegagerðin vill koma því á framfæri að búið er að opna Óshlíð en fólki er bent á að vera ekki á ferðinni að ástæðalausu. Hálkublettir eru á Hellisheiði og Þrengslum. Hálka og éljagangur er á Holtavörðuheiði og Bröttubrekku og snjóþekja og éljagangur er á Fróðárheiði.

Náttúrufræðistofnun hefur óskað eftir rannsókn á hvarfi gripa í eigu stofnunarinnar

Náttúrufræðistofnun Íslands hefur að höfðu samráði við umhverfisráðuneytið óskað eftir opinberri rannsókn á hvarfi á náttúrurannsóknargögnum og náttúrugripum í eigu íslenska ríkisins sem varðveittir voru í frystigeymslu sem stofnunin hafði á leigu.

26 umferðaróhöpp í vikunni

Í síðastliðinni viku var tilkynnt um 26 umferðaróhöpp til lögreglunnar og telst það óvenju mikið. Í tveimur þeirra kvörtuðu ökumenn um minni háttar eymsli, en öll teljast þau slysalaus.

Vatnajökulsþjóðgarður verður að veruleika

Ríkisstjórn Íslands samþykkti á fundi í morgun tillögu Jónínu Bjartmarz umhverfisráðherra að stjórnarfrumvarpi um Vatnajökulsþjóðgarð. Þjóðgarðurinn verður sá stærsti í Evrópu og mun hafa mikla sérstöðu í náttúrufarslegu tilliti í heiminum.

Slysahættan mest á heimleið eftir Miklubrautinni

Höfuðborgarbúar eru í mestri hættu á að lenda í umferðarslysi á leiðinni heim úr vinnu síðdegis, að því er kemur fram í samantekt Forvarnahúss Sjóvár fyrir árið 2005. Hins vegar slasast flestir í hádegisumferðinni.

Innheimtumiðstöð frestar opnun

Sýslumaðurinn á Blönduósi hefur ákveðið að fresta opnun innheimtumiðstöðvar sekta og sakarkostnaðar, sem átti að fara fram á morgun. Fyrirhugað var að Björn Bjarnason dómsmálaráðherra opnaði miðstöðina með formlegum hætti.

Páfagaukar í Húsdýragarðinum

Viðbygging vígð við Hlíð á Akureyri

Viðbygging við hjúkrunar- og dvalarheimilið Hlíð, á Akureyri, var vígð í gær.

Pabbar læra að flétta hár dætra sinna

Vefurinn pabbar.is ásamt hárgreiðslustofunni Salarvegi 2, ætla að bjóða öllum feðrum uppá ókeypis námskeið í að flétta hár á dætrum sínum, á morgun, laugardag.

Mátu alþjóðlega fjármálastarfsemi á Íslandi

Skýrsla nefndar forsætisráðherra um forsendur alþjóðlegrar fjármálastarfsemi á Íslandi og samkeppnishæfni landsins á því sviði hefur nú verið birt á heimasíðu ráðuneytisins. Ennfremur eru þar reifuð þau tækifæri sem slík starfsemi skapar og fjallað um þann ávinning sem kann að hljótast af henni fyrir efnahag og atvinnulíf í landinu.

Hætt að moka vegna snjóflóðahættu

Verðbólga mælist 7,3%

Vísitala neysluverðs hefur lækkað um 0,04% frá síðasta mánuði og jafngildir það 7,3% verðbólgu á ársgrundvelli, samkvæmt útreikningum Hagstofu Íslands. Þetta er í takt við spár greiningardeilda bankanna, sem spáðu því að verðbólga myndi mælast á bilinu 7,2 til 7,4%.

Aukin samkeppni við Icelandair

Breska leiguflugfélagið Astraeus, sem flýgur frá Gatwick, ætlar á næstunni að sækja um leyfi til íslenskra stjórnvalda fyrir flugi frá Íslandi til Bandaríkjanna. Þetta verður gert í samvinnu við lággjaldaflugfélagið Iceland Express sem hefur kynnt áform sín um flug til Boston og New York frá og með næsta vori, í beinni samkeppni við Icelandair.

Öllu millilandaflugi frestað

Icelandair og Iceland Express frestuðu öllu millilandaflugi sínu í morgun vegna spár um fárviðri. Gert var ráð fyrir að flug myndi hefjast upp úr níu hjá Iceland Express og um hádegi hjá Icelandair miðað við upplýsingar í gærkvöld. Ekki var búið að gera neinar ráðstafanir varðandi frestun á innanlandsflugi á Reykjavíkurflugvelli.

Ríkisstjórnin fordæmir árásir Ísraela

Valgerður Sverrisdóttir ætlar að fordæma árásir Ísraelsmanna á óbreytta borgara Gaza-svæðisins á fundi með sendiherra Ísraelsríkis, sem kemur til landsins í næstu viku. Steingrímur J. Sigfússon, þingmaður vinstri grænna, impraði á því í gær að það mætti taka til athugunar hvort Íslendingum væri stætt á því að halda stjórnmálasambandi við ríki sem fremji fjöldaaftökur á saklausu fólki.

Smitandi veirusýking gýs upp

Upp á síðkastið hafa nokkrir sjúklingar verið lagðir inn á Landspítalann með noro-veirusýkingu, en hún er árlegur fjandi landsmanna. Einkenni pestarinnar eru meðal annars mikill niðurgangur og uppköst.

Tekur yfir Sparisjóð Ólafsvíkur

Gengið hefur verið frá yfirtöku Sparisjóðsins í Keflavík á Sparisjóði Ólafsvíkur. Stefnt er að fullum samruna sjóðanna fyrir áramót, eftir samþykki fundar stofnfjáreigenda.

Aukið fé til aldraðra á fjárlögum

Aðstandendur og baráttufólk um bættan hag aldraðra munu halda baráttufund laugardaginn 25. nóvember í Háskólabíói. Þar verður skorað á Alþingi og ríkisstjórn að í fjárlögum sem gengið verður frá fyrir áramót verði umtalsvert fjármagn lagt í málaflokk aldraðra.

Gervihnattadiskur veldur harðri deilu

Borgin afturkallar leyfi fyrir gervihnattadiski sem innflytjandi frá Kosovo setti upp utan á tíu hæða blokk á Boðagranda. Tveir íbúðareigendur hótuðu málaferlum. Útlendingahatur, segir diskeigandinn sem gengur illa að fá húsfund.

Bjóða aftur 90 prósenta lán

SPRON býður viðskiptavinum sínum, sem skrá sig í nýja þjónustu undir nafninu DMK, sem stendur fyrir debet með kredit, nú kostur á að taka níutíu prósenta íbúðalán. Markhópur þeirrar þjónustu er ungt fólk sem er að fara út í lífið.