Vekjaraklukkan klikkaði á nýja árinu

Fjölmargir Iphone-eigendur sváfu yfir sig um helgina eftir að vekjaraklukkan í símunum reyndist biluð. Í tilkynningu frá Apple segir að vekjaraklukkan hafi ekki virkað 1. og 2. janúar en búist er við því að vekjaraklukkan verði komin í lag á morgun, 3. janúar.

Þetta er ekki í fyrsta skiptið sem iPhone-notendur kvarta yfir vekjaraklukkunni, en í nóvember kom upp svipuð bilun.

Apple seldi 1,7 milljón eintök af nýjustu gerð símans á þessu ári og hefur selt yfir 50 milljónir af iPhone-símum frá árinu 2007.