Ósátt við ágang eins ríkasta manns heims: „Eru augljóslega að reyna að ná Hafralónsá“

Breski iðnjöfurinn Jim Ratcliffe reynir að kaupa jarðir við laxveiðiperluna Hafralónsá – til viðbótar við stóran hluta Grímsstaða á Fjöllum og jarðir í Vopnafirði. Heimamenn lýsa þungum áhyggjum og segja hart gengið fram.

Gjaldeyriskaup jukust um 114 milljarða

Seðlabanki Íslands keypti erlendan gjaldeyri fyrir samtals 386 milljarða króna 2016 og jukust kaup bankans um 42% á milli ára.

Sigríður Ingibjörg til ASÍ

Tveir nýir starfsmenn hófu störf hjá hagdeild Alþýðusambands Íslands í upphafi árs, þær Sigríður Ingibjörg Ingadóttir og Sigurlaug Hauksdóttir.

Eignast tvö prósent í Kviku

Stefán Eiríks Stefánsson, forstöðumaður gjaldeyris­miðlunar Kviku fjárfestingabanka, á rúmlega 1,8 prósenta hlut í bankanum. Félagið Eiríks ehf., sem er í eigu Stefáns, eignaðist hlutinn í lok síðasta árs og er á lista yfir tuttugu stærstu hluthafa Kviku. Stefán Eiríks tók við starfi yfirmanns gjaldeyrismiðlunar Kviku í október 2015.

Frestuðu söluferli Extreme Iceland

Eigendur Extreme Iceland tóku fyrir áramót ákvörðun um að fresta söluferli þar sem bjóða átti fjárfestum að kaupa allt frá minnihlutaeign í ferðaþjónustufyrirtækinu og upp i allt hlutafé þess.

Stundin tapaði 13 milljónum

Útgáfufélagið Stundin ehf. var rekið með 12,9 milljóna króna tapi árið 2015. Samkvæmt nýbirtum ársreikningi félagsins var eigið fé þess neikvætt um 936 þúsund krónur í lok fyrsta rekstrarárs fjölmiðilsins en það skuldaði þá 17 milljónir króna.

Stærst í leigurisa með bréf fyrir 3,1 milljarð 

Fjárfestarnir Finnur Reyr Stefánsson, Steinunn Jónsdóttir og Tómas Kristjánsson eiga alls 23 prósent í Heimavöllum eftir sameininguna við Ásabyggð. Leigufélagið metið á 13,5 milljarða.

Viðræður um kaup lífeyrissjóða á hlut í Arion banka hafa siglt í strand

Viðræður um kaup lífeyrissjóða á stórum hlut í Arion banka af Kaupþingi í lokuðu útboði hafa farið út um þúfur vegna ólíkra verðhugmynda. Gætu tekið þátt sem hornsteinsfjárfestar í almennu hlutafjárútboði. Erfitt að selja hlut í lokuðu útboði vegna forkaupsréttar íslenska ríkisins.

Fresta opnun tilboða í Dýrafjarðargöng

Opnun tilboða í Dýrafjarðargöng, sem fram átti að fara í dag, hefur verið frestað um tvær vikur, að ósk verktaka, sem töldu sig þurfa lengri tíma til að ganga frá tilboðum.

Yahoo heyrir sögunni til

Eini hluti fyrirtækisins sem gengur ekki inn í Verizon mun heita Altaba.

Leifur til Viðskiptaráðs

Viðskiptaráð Íslands hefur ráðið Leif Hreggviðsson sem sérfræðing á hagfræðisviði ráðsins. Samkvæmt tilkynningu Viðskiptaráðs um nýja starfsmanninn mun starf hans fyrst og fremst snúa að málefnastarfi ráðsins, svo sem greiningarvinnu og skrifum. Auk þess muni hann taka þátt í útgáfustarfi ásamt öðrum daglegum störfum ráðsins.

Sjálfkeyrandi rúgbrauð

Bíllinn á að komast um 435 kílómetra á fullri hleðslu. Þá verða framsætin þannig útbúin að þegar bíllinn styðst við sjálfstýringu sé hægt að snúa þeim aftur á við svo farþegarnir geti setið augliti til auglitis.

Icelandair í öðru sæti yfir verstu flugfélög ársins 2016: „Í sumar áttum við slæmt tímabil“

Þetta kemur fram í skýrslu FlightStats sem tekur saman bestu og verstu flugfélög ársins og metur áreiðanleika flugfélaganna.

Sendu MDE upplýsingar um fjármálaumsvif dómara

Mannréttindadómstóll Evrópu (MDE) fékk á föstudag sendar upplýsingar um fjármálaumsvif dómara við Hæstarétt Íslands á árunum fyrir fall íslenska bankakerfisins árið 2008. Þeir Sigurður Einarsson, Hreiðar Már Sigurðsson og Magnús Guðmundsson, þrír fyrrverandi stjórnendur hjá Kaupþingi, og Ólafur Ólafsson, fyrrverandi hluthafi í bankanum, sendu upplýsingarnar en þær eru hluti af málsskjölum sem þeir sendu MDE vegna umfjöllunar dómstólsins um Al-Thani málið.

CES 2017: Vélmennin voru fyrirferðarmikil

Vélmennin voru af öllum mögulegum gerðum, hvort sem þau slá gras, hella upp á kaffi, aðstoða aldraða, vakta heimili og reka hunda úr sófum.

Bestu vefir landsins valdir í lok janúar

Íslensku vefverðlaunin verða haldin í Hörpunni við hátíðlega athöfn þann 27. janúar næstkomandi. Dómnefnd á vegum Samtaka vefiðnaðarins mun þá velja bestu vefi landsins í hinum ýmsu flokkum.

Tíu ár frá fyrstu iPhone kynningu Steve Jobs

Á eftir símanum fylgdu framúrskarandi vörur eins og iPad og Apple Watch, en síminn sjálfur er og hefur verið helsta vara Apple.

Farþegum WOW air fjölgaði um 207%

Flugfélagið WOW air flutti 173.371 farþega til og frá landinu í desember eða um 207% fleiri farþega en í desember árið 2015. Þetta kemur fram í tilkynningu frá félaginu en þar segir einnig að sætanýting þess í desember hafi verið 86% en sætanýting í fyrra á sama tímabili var 85%.

Stór íshellir settur upp í Perlunni næsta sumar

Ráðgert er að fyrsti hluti náttúrusýningarinnar í Perlunni verði opnaður í sumar. Heildarfjárfesting nýrra eigenda verður þrír milljarðar. Perlan hefur verið lokuð undanfarna daga vegna breytinga en verður opnuð að nýju í næstu viku.

Allt að 87 prósenta hækkun á tollkvóta milli ára

Ákvarðanir stjórnvalda skiluðu sér í hærra meðalverði í útboði á tollkvóta ýmissa landbúnaðarvara. Umframeftirspurn eftir kvótanum var einnig mikil.Hækkunin fyrirsjáanleg að mati framkvæmdastjóra Félags atvinnurekenda.

Laun forstjóra Apple lækkuðu um 15 prósent á milli ára þar sem sölumarkmið náðust ekki

Bónusgreiðslur til forstjórans eru bundnar við það að fyrirtækið nái sölumarkmiðum sínum. Minni sala á iPhone símanum þá helst á Kínamarkaði var aðalástæða þess að sölutölur síðasta árs voru lægri en að var stefnt.

Nokia með endurkomu á snjallsímamarkað

Síminn verður kynntur til leiks á fyrri hluta þessa árs en hann mun bera heitið Nokia 6 og verður seldur í Kína. Er síminn hugsaður sem andsvar við Samsung Galaxy S7.

Kaupþing greiðir 5 milljarða til ríkisins

Vaxtagreiðsla af 84 milljarða skuldabréfi á gjalddaga í janúar. Stefnt að hlutafjárútboði á fyrri árshelmingi.

Trúnaður um tilboð í Hellisheiðarvirkjun

Stjórn Orkuveitu Reykjavíkur hafnaði í síðasta mánuði tilboði sem barst 2. desember í Hellisheiðarvirkjun.

Tekjutap hins opinbera vegna aflandsfélaga allt að sex milljarðar á ári hverju

Niðurstöður starfshóps um eignir Íslendinga á aflandssvæðum gefa til kynna að í lok ársins 2015 hafi uppsafnað umfang eigna og umsvifa Íslendinga á aflandssvæðum frá árinu 1990 legið á bilinu 350-810 milljarða króna.

Joe & the Juice opnar í Lágmúla - tveir fyrir einn af matseðli

Veitingastaðurinn Joe & the Juice hefur opnað nýjan stað í Lágmúla. Í tilefni opnunarinnar verður sérstakt tilboð í Lágmúlanum og boðið upp á tvo fyrir einn af öllum réttum á matseðli í dag, föstudag.

Eik kaupir húsnæði Hótel Marina

Forsvarsmenn Eikar fasteignafélags undirrituðu í dag kaupsamning á Slippnum fasteignafélagi ehf. sem á húsnæði Hótel Marina. Samningurinn er háður samþykki Samkeppniseftirlitsins en afhending á fasteignunum á að fara fram á fyrsta ársfjórðungi 2017.

Jamie Oliver lokar veitingastöðum á sama tíma og hann opnar á Íslandi

Kennir óvissu vegna Brexit um ástæður þess að hann ákvað að loka sex af veitingastöðum sínum í Bretlandi.

Haraldur ráðinn framkvæmdastjóri Múrbúðarinnar

Haraldur Bergsson er nýr framkvæmdastjóri Múrbúðarinnar. Hann tekur við starfinu af Baldri Björnssyni, stofnanda fyrirtækisins sem mun halda áfram í stjórn þess. Þetta kemur fram í fréttilkynningu frá Múrbúðinni.

Árni og Hallbjörn fara út úr Fréttatímanum

Fjárfestarnir Árni Hauksson og Hallbjörn Karlssson hafa ekki komið að rekstri fjölmiðilsins síðan í haust. Ósáttir við ritstjórnarstefnuna og vildu komast út.

Gervigreind malar netspilara í Go

AlphaGo, gervigreind fyrirtækisins DeepMind sem gerði garðinn frægan þegar hún vann heimsmeistarann Lee Sedol í kínverska spilinu Go, hefur undanfarið keppt í leyni á netinu. Þar hefur hún pakkað saman mörgum af bestu Go-spilurum heims.

Bandarískir vogunarsjóðir kæra úrskurð ESA

Vogunarsjóðirnir telja að íslensk löggjöf um eign á aflandskrónum standist ekki EES-samninginn.

VÍS kaupir um 22 prósenta hlut í Kviku

Gengið hefur verið frá kaupum á 22 prósenta hlut fyrir um 1.650 milljónir.

H&M á Íslandi byrjar að ráða fólk

Sænska verslunarkeðjan H&M sem mun opna tvær verslanir hér á landi á þessu ári annars vegar og hins vegar á því næsta hefur samið við ráðningarfyrirtækið Capacent um ráðningar starfsfólks.

Hagar kaupa brunarústir í Skeifunni

Fyrr í dag var skrifað undir kaupsamning um kaup verslunarfyrirtækisins Haga hf. á 4.706 fermetra eignarhluta í Skeifunni 11 sem skemmdist að stórum hluta í brunanum þar í júlí 2014. Seljandi er Fönn-Þvottaþjónusta ehf. sem rak fyrir brunann þvottahús á lóðinni. Kaupverðið nemur 1.714 milljónum króna.

CES 2017: Snjallrúm og snjallísskápur

CES ráðstefnan, eða Consumer Electronics Show, stendur nú yfir í Las Vegas og keppast tæknifyrirtæki um að kynna nýjustu vörur sínar.

Vilja sjá Borgunarmálið klárast

Stjórnendur Sparisjóðs Austurlands ætla að bíða eftir niðurstöðu í dómsmáli Landsbankans gegn Borgun áður en ákveðið verður hvort sparisjóðurinn mun leita réttar síns vegna sölu hans á 0,3 prósenta hlut í greiðslukortafyrirtækinu. Þetta staðfestir sparisjóðsstjórinn, Vilhjálmur G. Pálsson.

CES 2017: Samsung og Google svara Apple og MIcrosoft

Gefa út blending sem er svar við iPad og Surface Pro.

Óskar Hrafn hættur hjá Fréttatímanum

Sagði upp á milli jóla og nýárs.

Birgir Bieltvedt seldi hlut sinn í Hard Rock

Fjárfestirinn Birgir Þór Bieltvedt hefur selt hlut sinn í veitingastaðnum Hard Rock Café við Lækjargötu. Gengið var frá sölunni rétt fyrir áramót eða einungis tveimur mánuðum eftir að staðurinn opnaði. Högni Sigurðsson, viðskiptafélagi og samstarfsmaður Birgis, og aðilar tengdir honum keyptu hlutinn.

Risahótelið við Grensásveg tekið í notkun eftir rúm tvö ár

300 herbergi og átján þúsund fermetrar.

Heiðrún Lind bendir á að laun sjómanna voru hærri en lækna

Heiðrún Lind Marteinsdóttir, framkvæmdastjóri Samtaka fyrirtækja í sjávarútvegi (SFS), skrifar aðsenda grein í Viðskiptablaðið í dag þar sem hún bendir á að meðaltekjur sjómanna hækkuðu úr 2,1 milljón króna á mánuði árið 2014 í 2,3 milljónir á mánuði í fyrra.

Hörður ráðinn ritstjóri Markaðarins

Hörður Ægisson hefur verið ráðinn viðskiptaritstjóri Fréttablaðsins. Þá hefur Haraldur Guðmundsson verið ráðinn viðskiptablaðamaður.

EFLA fékk verðlaun fyrir Stráið og Spíruna í Noregi

"EFLA er að ná frábærum árangri í línuverkefnum erlendis og sigur í þessari samkeppni er enn ein staðfestingin á því,“ segir Steinþór Gíslason fagstjóri hjá EFLU.

Tesla hefur fjöldaframleiðslu rafhlaðna

Er verksmiðjunni ætlað að útvega öllum bílum hinnar nýju tegundar, Model 3, rafhlöður.