Ellefu íslenskar myndir frumsýndar á þessu ári

Árið 2011 átti að vera eitt erfiðasta árið í íslenskri kvikmyndagerð og var jafnvel talað um kvikmyndavetur í bransanum. Hins vegar er nú allt útlit fyrir að veturinn verði ansi blíður.

Engar ballöður á plötu Foo Fighters

Upptökum á sjöundu hljóðvers­plötu Foo Fighters er lokið og að sögn forsprakkans, Daves Grohl, er útkoman verulega kraftmikil. Platan var tekin upp í bílskúrnum heima hjá Grohl og er væntanleg í vor. „Það eru ellefu lög á plötunni og þarna er ekki ein svefndrukkin ballaða,“ sagði Grohl.

Hvernig er það skiptist þið endalaust á mökum þarna í Hollywood?

Leikarinn Ryan Phillippe, 36 ára, og leikkonan Amanda Seyfried, 25 ára, eyddu rómantískum stundum í Mexikó á dögunum. Þau sáust saman á veitingastað þar sem þau kysstust yfir forréttinum, aðalréttinum og eftirréttinum ef marka má sjónarvotta. Árið 2008 tók Ryan sér tvo heila mánuði til að ná áttum eftir skilnaðinn við leikkonuna Reese Witherspoon sem hann á tvö börn með áður en hann byrjaði með leikkonunni Abbie Cornish sem lék á móti honum í kvikmyndinni Stop-Loss. Þá var Amanda á föstu með leikaranum, Dominic Cooper, sem lék á móti henni í ABBA kvikmyndinni Mamma Mia!

Nei hættu nú ALVEG

Því er haldið fram í nýjasta tölublaði tímaritsins OK! að leikkonan Sandra Bullock sem skildi við Jesse James á síðasta ári eftir að upp komst um framhjáhald hans og leikarinn Ryan Reynolds sem skildi við leikkonuna Scarlett Johansson í byrjun desember á síðasta ári eftir rúmlega tveggja ára hjónaband séu byrjuð saman. Reynolds var ófeiminn við að deila hjónabandsvandræðum hans og Scarlett með mótleikurum sínum en hann og Sandra fóru með aðalhlutverkin í myndinni The Proposal árið 2009. „Hann var mjög opinn um vandræði þeirra og sagði að hann og Scarlett væru að glíma við ýmis vandamál," er haft eftir heimildarmanni.

Rapprisar með plötu

Rapparinn Kanye West segir að ný plata með honum og Jay-Z, Watch The Throne, komi út eftir nokkra daga. West hélt þessu fram í partíi með Jay-Z á nætur­klúbbi í Las Vegas á gamlárskvöld. Í október síðastliðnum sagði West að það myndi ekki fara langur tími í gerð plötunnar. „Við ætlum til suðurhluta Frakklands í lok þessa mánaðar til að taka upp nokkrar hugmyndir. Við klárum plötuna örugglega á einum degi eða eitthvað svoleiðis,“ sagði hann.

Skinner kveður The Streets

Fimmta og síðasta plata The Streets, Computers and Blues, er væntanleg í næsta mánuði. Forsprakkinn Mike Skinner er orðinn þreyttur á bandinu og vill feta nýjar slóðir í lífinu.

Mila Kunis á lausu

Barnastjarnan fyrrverandi, Macaulay Culkin, og leikkonan Mila Kunis eru hætt saman eftir átta ára samband. Talsmaður parsins segir að sambandsslitin hafi þó átt sér stað fyrir nokkrum mánuðum en að þau hafi reynt að halda þeim leyndum á meðan Kunis kynnti nýjustu mynd sína, Black Swan, en myndin hefur hlotið mikið lof ytra. „Við hættum saman í góðu og ætlum að vera góðir vinir,“ hafði Kunis sjálf að segja um slitin.

Tvær íslenskar tilnefningar

Nýjustu plötur Jónsa og Ólafar Arnalds eru á meðal tólf platna sem hafa verið tilnefndar til Norrænu tónlistarverðlaunanna 2010. Go með Jónsa og Innundir skinni með Ólöfu Arnalds eru á meðal tólf platna sem hafa verið tilnefndar til Norrænu tónlistarverðlaunanna 2010.

Gerry Rafferty látinn

Skoski tónlistarmaðurinn Gerry Rafferty er látinn, 63 ára gamall, eftir langvarandi veikindi. Hann var þekktastur fyrir lögin Baker Street og Stuck in the Middle With You sem hljómaði í kvikmynd Quentins Tarantino, Reservoir Dogs, sem kom út 1992.

Hljómsveitin Ég semur HM-lag fyrir landsliðið

„Ég er búinn að semja lagið og það verður frumflutt í þættinum hans Loga Bergmanns á föstudagskvöldið,“ segir Róbert Örn Hjálmtýsson, forsprakki hljómsveitarinnar Ég. Hann hefur samið nýtt lag fyrir íslenska landsliðið í handbolta sem á að blása strákunum okkar baráttuanda í brjóst þegar þeir leika fyrir hönd þjóðarinnar í Svíþjóð.

Fann tilgang í lífinu

Halle Berry segir að hún myndi gefa upp kvikmyndaleik fyrir dóttur sína. Óskarsverðlaunaleikkonan á tveggja ára dóttur með fyrrverandi kærasta, Gabriel Aubry, en hún segir að forgangsröðunin hafi breyst þegar hún varð móðir og að hún einbeiti sér ekki að ferlinum lengur. „Börn breyta forgangsröðuninni og núna hef ég tilgang í lífinu. Ég nýt þess að gera bíómyndir en ég myndi gefa það allt upp á bátinn til þess eins að vera með dóttur minni, ef til þess kæmi.“

Túristar, Gúllíver og miðilsgáfa

Spennumyndin The Tourist, ævintýramyndin Gulliver"s Travels og nýjasta mynd Clints Eastwood, Hereafter, verða frumsýndar hérlendis á morgun. The Tourist er endurgerð franska tryllisins Anthony Zimmer frá árinu 2005 sem lítið fór fyrir í kvikmyndahúsum.

Árni og félagar heitir á lista BBC

Bassaleikarinn Árni Hjörvar Árnason og félagar í bresku hljómsveitinni The Vaccines eru í þriðja sæti á lista breska ríkisútvarpsins BBC yfir heitustu hljómsveitir ársins 2011. BBC birtir ný nöfn á listanum vikulega, en aðeins annað og fyrsta sæti er eftir.

Á bókaða fjóra fundi í Hollywood

„Ég átti von á þeim fyrr en það kom eitthvað upp á hjá þeim úti. En jú, ég reikna með því að hitta þá þegar þeir koma,“ segir Gestur Valur Svansson leikstjóri. Eins og Fréttablaðið greindi frá í gær er Klovn-tvíeykið væntanlegt til Íslands í dag til að kynna kvikmynd sína Klovn: The Movie. Gesti Val og

Airwaves fær fimm milljónir

„Ég fagna því á þessum krepputímum að við skulum fá fimm milljónir inn í Airwaves,“ segir Grímur Atlason, framkvæmdastjóri tónlistarhátíðarinnar Iceland Airwaves.

Konur gera sjónvarpsþátt um konur

„Við ætlum að fá til okkar konur sem þora að tjá sig,“ segir fjölmiðlakonan Björk Eiðsdóttir. Björk stýrir nýjum spjallþætti ásamt Nadíu Banine sem hefur göngu sína á Skjá einum 15. febrúar.

Þórhallur MIÐILL með skyggnilýsingu

Sambíóin ásamt Þórhalli miðli og Stöð 2 halda sérstaka fjáröflunarsýningu í Sambíóunum Egilshöll til styrktar Sjónarhóli – ráðgjafarmiðstöð fyrir foreldra barna með sérþarfir. Miðaverð er 1.500 kr og rennur allur ágóði sýningarinnar til Sjónarhóls en hægt er að kaupa miða á heimasíðu Sambíóanna sem og miðasölu Sambíóanna um land allt. Herlegheitin hefjast klukkan 19:00 og mun Þórhallur miðill byrja kvöldið með skyggnilýsingu fyrir viðstadda en að henni lokinni verður nýjasta mynd Clint Eastwoods, Hereafter forsýnd. Til Sjónarhóls leita fjölskyldur með börn sín á ýmsum aldri og með margvísleg vandamál. Þar getur verið um að ræða vandamál tengd skóla, skort á stuðningsúrræðum, félagsleg vandamál og margt fleira. Þjónusta Sjónarhóls er fyrir allt landið og er mikil áhersla lögð á að hingað geti allir leitað. Þjónustan er endurgjaldslaus og ekki er þörf á tilvísun eða greiningu. Á Sjónarhóli starfa ráðgjafar með foreldrum á þeirra forsendum, með það að markmiði að leita lausna á vandamálunum og styðja við bakið á foreldrum á þeirri vegferð. Bíómyndin Hereafter - Sýnishorn

Svona leggings eiga svoleiðis eftir að seljast í GÁMAVÍS

Söngkonan Beyonce Knowles, 29 ára, brosti blítt þegar hún var mynduð í New York í gær. Eins og myndirnar sýna var hún með sólgleraugu á nefinu, klædd í leðurjakka og leggings sem hafa vakið athygli. Þá stóð skýrum stöfum framan á bolnum hennar: Love Is Everything eða Ástin er allt.

Draumar breytast í martröð hjá Verzló og MR

„Við vorum búin að ræða þetta leikrit löngu áður en við vissum af Verzlunarskólanum, en vorum samt ekki búin að taka neina endanlega ákvörðum,“ segir Björg Brjánsdóttir, formaður Herranætur, leiklistarfélags Menntaskólans í Reykjavík, en skólinn frumsýnir leikverk Shakespeares,

Logi Geirs hefur störf í sjónvarpi

„Logi [Geirsson] er meiddur og getur ekki verið með landsliðinu en mun í stað þess vera tengiliður milli landsliðsins og þjóðarinnar enda þekkir hann hvern krók og kima hjá því, öll leikkerfi og getur jafnvel lesið í andlitsdrætti leikmanna,“ segir Þorsteinn J. Vilhjálmsson, umsjónarmaður HM-stofu

Klovn-tvíeyki til landsins

„Jú, þeir eru að koma, lenda á fimmtudaginn og verða væntanlega fram yfir helgi,“ segir Sigurður Victor Chelbat hjá Sambíóunum. Klovn-tvíeykið, Frank Hvam og Casper Christensen, ætlar að sækja Ísland heim í vikunni og kynna myndina sína Klovn: The Movie.

Valdatafl í Kandílandi

Íslenska Hreyfiþróunarsamsteypan frumsýndi á dögunum dansverkið Kandíland, sem byggir á konungaverkum Williams Shakespeare.

100% hreinskilinn Ragnar ZSolberg

Ragnar ZSolberg fer alla leið í hreinskilninni á nýrri sólóplötu. Hann býr nú í Svíþjóð ásamt unnustu sinni og er búinn að setja saman hljómsveit þar í landi. „Ég veit ekki hvort það hafi breyst mikið í gegnum tíðina, en mér finnst textar og tónlist ekki koma eins vel út ef það er ekki 100% hreinskilni á bakvið,“ segir tónlistarmaðurinn Ragnar ZSolberg.

Spilar á frelsishátíð í Kosovo

Rokksveitin Who Knew verður á faraldsfæti á næstu mánuðum og spilar meðal annars á tónlistarhátíðinni Freedom Festival í Pristina, höfuðborg Kosovo, í júní.

Unnur Birna á von á barni í sumar

Unnur Birna Vilhjálmsdóttir, meistaranemi í lögfræði og fyrrverandi alheimsfegurðardrottning, á von á sínu fyrsta barni í lok júní.

Spennandi plötur á nýju ári

Fjölmargar hljómsveitir og listamenn hafa þegar tilkynnt um plötur sem koma út á árinu. Atli Fannar Bjarkason skoðaði sex væntanlegar plötur sem eiga eftir að vekja eftirtekt.

Strákarnir sem eiga hugi og hjörtu íslenskra ungmenna

Alexander Briem, Atli Óskar Fjalarsson og Haraldur Ari Stefáns­son eru heitustu drengirnir á Íslandi í dag. Atli Óskar og Haraldur Ari urðu miklir mátar þegar þeir fóru á kostum í unglingamyndinni Óróa sem naut mikilla vinsælda í sumar. Atli Óskar fer með stórt hlutverk í kvikmyndinni Gauragangi sem frumsýnd var á annan í jólum og þar þykir Alexander Briem fara á kostum í hlutverki Orms Óðinssonar.

Sigrún Lilja einn höfunda sjálfshjálparbókar

Sigrún Lilja Guðjónsdóttir verður einn af höfundum bandarísku bókarinnar The Next Big Thing en þar fjalla frumkvöðlar, aðallega bandarískir, um hvernig þeir hafa komið hugmyndum sínum í framkvæmd. Sigrún Lilja er á forsíðu kápunnar og virðist aðalstjarna ritsins ef marka má hana. Sigrún Lilja er ekki eini Íslendingurinn sem skrifar í bókina því Jón Bjarnason viðskiptaþjálfi skrifar einnig kafla í bókina.

Brim besta íslenska myndin

Brim er besta innlenda mynd ársins 2010 samkvæmt álitsgjöfum Fréttablaðsins. Tæplega ellefu þúsund manns sáu hana í íslenskum kvikmyndahúsum á síðasta ári.

Hollywoodstjarna í Pressu 2

Gísli Örn Garðarsson leikur stórt hlutverk í sjónvarpsþáttaröðinni Pressu 2. Eins og nafnið gefur til kynna er þáttaröðin sjálfstætt framhald af Pressu sem sýnd var á Stöð 2 fyrir tveimur árum. Blaðið er enn sem fyrr miðpunktur sjónvarpsþáttanna og þau Sara Dögg Ásgeirsdóttir, Kjartan Guðjónsson og Þorsteinn Bachmann munu endurtaka hlutverk sín.

Samningur í jólagjöf

Rokksveitin We Made God gefur út sína aðra plötu, It’s Getting Colder, á föstudaginn, 7. janúar, og sama dag heldur sveitin útgáfutónleika á Faktorý. Platan kemur út á vegum ítalska plötufyrirtækisins Avantgarde Music á heimsvísu 21. janúar.

Axl Rose besti söngvari allra tíma

Axl Rose, forsprakki rokksveitarinnar Guns N"Roses, hefur verið kjörinn besti hljómsveitasöngvari allra tíma í nýrri könnun. Næstir á eftir honum komu Freddie Mercury, söngvari Queen, og Robert Plant úr Led Zeppelin.

Hvernig er það var ENGINN heima hjá sér yfir áramótin?

Meðfylgjandi myndir voru teknar á gamlárskvöld í miðbæ Reykjavíkur á Nasa og Esju við Austurvöll. Þá var bærinn troðfullur af fólki í gærkvöldi, 1. janúar, sem fagnaði komu nýs árs á veitingahúsunum Hvíta Perlan, Hressó, Bankinn og Austur. Ljósmyndir Sveinbi/Superman.is.

Nýársfagnaður á Borginni

Meðfylgjandi myndir voru teknar á nýársfagnaði sem fram fór á Hótel Borg í gærkvöldi. Eins og sjá má á myndunum sá Hilmar Guðjónsson leikari til þess að prúðbúnum gestum leiddist ekki á meðan á borðhaldinu stóð. Söngkonan Sigríður Thorlacius úr Hjaltalín og hljómsveitin Orphix Oxtra sáu um tónlistina. Þá var Magnús Schewing valinn best klæddi maður kvöldsins.