Eignirnar nema yfir einum milljarði króna

Eignir nokkurra Íslendinga og félaga í eigu þeirra, sem hafa verið frystar að beiðni sérstaks saksóknara í tengslum við rannsókn á Kaupþingi, nema yfir einum milljarði króna. Ekki hefur verið gefið upp hverjir eiga þar í hlut þar sem rannsóknin er á viðkvæmu stigi.

Rannsókn á láti Sigrúnar Mjallar ábótavant

Jón Þór Ólason, lektor í refsirétti, telur rannsókn lögreglu á láti Sigrúnar Mjallar Jóhannesdóttur ábótavant. Fullt tilefni hafi verið til að rannsaka hvaðan læknadópið kom sem dró hana til dauða. Þrjár manneskjur sitja nú á sakamannabekk í Noregi vegna meintrar aðildar að láti fimmtán ára stúlku sem lést af banvænum eiturlyfjaskammti í fyrra.

Þarf að hætta þessari lánsveða-vitleysu

Viðskiptaráðherra segir lífeyrissjóðina standa í vegi fyrir því að undið sé ofan af skuldavanda fólks með lánsveð, og hafi til þess stjórnarskrárvarinn rétt. Hann segir að í framtíðinni þurfi að hætta þessari lánsveða-vitleysu, eins og hann kallar það.

Sökudólgurinn í E. coli faraldrinum fundinn

"Það eru baunaspírurnar". Þetta segir Reinard Burger, yfirmaður þýsku smitsjúkdómamiðstöðvarinnar en E. coli faraldurinn í Norður-Þýskalandi hefur verið rakinn til baunaspírubúgarðs nærri Hamburg.

426 brautskráðir frá Háskólanum á Akureyri

Brautskráning Háskólans á Akureyri fór fram við hátíðlega athöfn í dag þegar 426 kandídatar voru útskrifaðir með háskólapróf, en með því hefur háskólinn útskrifað nærri fjögur þúsund nemendur á sínum 24 starfsárum.

Uppvakningaganga í Reykjavík

Miðbær Reykjavíkur iðaði af lífi í dag þegar fjöldi manns streymdi út á göturnar í svokallaðri uppvakningagöngu, en slíkar göngur hafa áður vakið athygli víðsvegar um heiminn. Ekki er vissa um það hvort hér sé um að ræða fyrstu uppvakningagönguna sem gengin er á Íslandi, en víst þykir að hún sé sú fjölmennasta.

Löggan sektar háskólanema og fjölskyldur

Lögreglumenn eru í óðaönn við að sekta bíla fyrir utan Laugardalshöllina, en þar stendur nú yfir seinni hluti brautskráningar frá Háskóla Íslands.

Flóttamenn streyma til Tyrklands

Að minnsta kosti 4.300 manns hafa nú flúið ofbeldið í Sýrlandi og leitað skjóls í Tyrklandi en 32 týndu lífinu í átökum þar í landi síðastliðinn föstudag. Rauntala flóttamanna er þó talin mun hærri en opinberar tölur segja til um þar sem margir hafi komist óséðir yfir landamærin.

Dyrhólaey opnuð í leyfisleysi

Hlið, lokanir og upplýsingaskilti voru tekin niður við inngang að friðlandinu á Dyrhólaey aðfararnótt föstudagsins 10. júní, en opnun svæðisins er háð leyfi frá Umhverfisstofnun. Þetta segir Þorsteinn Gunnarsson, ábúandi á Vatnsskarðshólum, en hann telur umhverfisstofnun hafa veitt skemmdarvörgum hjálparhönd með því að bregðast ekki við tilkynningu um málið fyrr en á föstudagskvöldið. Allan daginn hafi Dyrhólaey því verið opin og umferð streymt um svæðið, en þar sé æðarvarp nú á afar viðkvæmu stigi.

Ræddu misnotkun Rítalíns á Bessastöðum

Ólafur Ragnar Grímsson, forseti Íslands, bauð íslenskum og erlendum fyrirlesurum ráðstefnu, sem haldin var á vegum SÁÁ, til Bessastaða í gær og ræddi þar meðal annars um vímuefnavarnir og -meðferð auk þeirra neikvæðu áhrifa sem hafa hlotist af af sívaxandi misnotkun Rítalíns hér á landi.

Gerir ráð fyrir mótframboði í formannskjöri

Bjarni Benediktsson segist gera ráð fyrir mótframboði í formannskjöri á Landsfundi Sjálfstæðisflokksin í haust í viðtali við Morgunblaðið í dag. Hann segist jafnframt líta svo á að það hafi verið rétt að fylgja sannfæringu sinni í Icesavemálinu.

Kröfu Geirs hafnað

Landsdómur hafnaði í gær þeirri kröfu Geirs H. Haarde að dómendur og varamenn, sem Alþingi kaus til sex ára setu í landsdómi árið 2005, víki sæti í máli sínu.

Öskuskýið frá Chile stöðvar flug í Nýja Sjálandi

Puyehue-eldfjallið sem nú gýs í Chile hefur valdið töluverðum truflunum á flugi í Argentínu, Úrúgvæ og hluta Brasilíu undanfarna daga, en nú lítur út fyrir að öskuskýið úr fjallinu sé farið að teygja sig vestur til Nýja Sjálands.

Frekari niðurskurður upphafið að endalokunum

Framkvæmdarstjóri Heilsustofnunarinnar í Hveragerði segir að frekari niðurskurður hjá stofnuninni sé upphafið að endalokunum en niðurskurðurinn hefur verið 100 milljónir á síðustu þremur árum.

Sólbaðsstemning á höfuðborgarsvæðinu á morgun?

Margir íbúar höfuðborgarsvæðisins hafa eflaust verið vonsviknir þegar þeir litu út um gluggann í morgun, en spár um sumarkomu virðast ekki hafa gengið eftir eins og vonir margra stóðu til.

Einstaklingar geti boðið sig fram til þings

Hægt verður að bjóða sig fram til þings einsamall og mögulegt verður að kjósa frambjóðendur þvert á flokka og kjördæmi, verði tillögur C-nefndar stjórnlagaráðs samþykktar.

Lögreglan í Lúxemborg frystir eignir Íslendinga

Lögreglan í Lúxemborg hefur fyrst eignir nokkurra Íslendinga og félaga í þeirra eigu á bankareikningum þar í landi, en málið tengist rannsóknum á málefnum gamla Kaupþings. Morgunblaðið greinir frá þessu í dag og vitnar í Ólaf Þór Hauksson, sérstakan saksóknara, sem segir fjárhæðirnar umtalsverðar.

Boðar endurfundi lýðveldisbarnanna

Fjöldinn allur af börnum fylgdi foreldum sínum á Þingvöll við stofnun íslenska lýðveldisins 17. júní árið 1944. Nú hefur Þór Jakobsson veðurfræðingur boðað til endurfunda hinna svokölluðu lýðveldisbarna í tilefni tímamótanna á lýðveldisdaginn næstkomandi föstudag.

Harkalega tekist á í þingsal

Þingmenn tókust harkalega á um minna kvótafrumvarp landbúnaðar- og sjávarútvegsráðherra við aðra umræðu um málið í gærkvöld. Umræðurnar stóðu frá um hálf ellefu til tuttugu mínútur í eitt í nótt, en þegar leið á tóku að heyrast framíköll og jafnvel hlátrasköll á tíðum.

Erill á Akureyri en rólegt á höfuðborgarsvæðinu

Töluverður erill var hjá lögreglunni á Akureyri í nótt en alls voru sex handteknir, þar af fjórir fyrir vörslu fíkniefna.

Metfjöldi brautskráður á aldarafmæli Háskóla Íslands

Metfjöldi nemenda verður brautskráður frá Háskóla Íslands í dag en þá verður þess jafnframt minnst að hundrað ár eru liðin frá stofnun skólans. Brautskráningin fer fram í Laugardalshöll en alls verða 1.816 prófskírteini afhent; 1.138 í grunnnámi og 678 í framhaldsnámi.

Maður féll af mótorhjóli

Slys varð í Gnúpverjahreppi um fjögurleytið í nótt þegar maður féll af mótorhjóli. Hann var fluttur til Reykjavíkur í skoðun en er ekki talinn alvarlega slasaður.

Fréttaskýring: Íslendingum ber að borga

Eftirlitsstofnun EFTA hefur gefið út rökstutt álit um að Íslendingum beri að borga lágmarkstryggingar til eigenda innstæðureikninga Icesave. Málið fer fyrir dómstóla verði ekki greitt innan þriggja mánaða.

Stjórnlagaráð leggur til að kosningakerfinu verði bylt

Kjósendur munu geta valið frambjóðendur þvert á flokka og kjördæmi í alþingiskosningum verði róttækar tillögur stjórnlagaráðs um breytingar á kosningakerfinu að veruleika. Þar er lagt til að atkvæðavægi skuli vera jafnt alls staðar á landinu.

Ingvi Hrafn og frú eiga ekki fyrir áfrýjun málsins

„Við erum dæmd fyrir skattalagabrot sem aldrei voru framin af ásetningi heldur vegna vanrækslu og afglapa löggilts endurskoðanda sem við treystum,“ segir Ingvi Hrafn Jónsson, sjónvarpsstjóri ÍNN.

Sambland af fræðslu og fróðleik í Búrfellsstöð

Ný sýning verður opnuð almenningi í Búrfellsstöð á morgun en þar eru endurnýjanlegir orkugjafar kynntir á gagnvirkan hátt.

Forseti ESA: Nú verðið þið að borga

"Við höfum verið mjög þolinmóð og gefið lengri frest en aðrir fá. En nú verðið þið að borga,“ segir Per Sanderud, forseti Eftirlitsstofnunar EFTA, ESA. ESA sendi stjórnvöldum áminningarbréf í maí í fyrra þar sem lýst var þeirri skoðun að Íslendingar hefðu ekki farið eftir tilskipun samnings Evrópska efnahagssvæðisins (EES) um innstæðutryggingar. Stjórnvöld svöruðu bréfinu í maí síðastliðnum og mótmæltu.

SGS hefur slitið kjaraviðræðum

Starfsgreinasamband Íslands (SGS) og Flóafélögin hafa slitið samningaviðræðum við samninganefnd sveitarfélaga. Í tilkynningu frá SGS segir að deilt sé um kjör fjölmennasta hóps SGS-fólks hjá sveitarfélögunum, starfsfólks leik- og grunnskóla. Sá hópur muni aðeins fá rúmlega 20 þúsund króna hækkun fram til 31. janúar 2014 en launafólk á almennum markaði fái 34 þúsund á sama tíma.

Vélhjólamenn með haglabyssur

Tveir karlmenn á þrítugsaldri, sem lögreglan telur að séu meðlimir Íslandsdeildar Hells Angels, voru handteknir fyrr í vikunni við iðnaðarhúsnæði í austurborginni.

Flugmenn kjósa um aðgerðir

Flugmenn Icelandair hafa hafið atkvæðagreiðslu um að boða til verkfallsaðgerða. Í tilkynningu frá Félagi íslenskra atvinnuflugmanna segir að viðræður hafi verið árangurslausar. Verði aðgerðirnar samþykktar mun yfirvinnubann hefjast 24. júní. Icelandair á einnig í kjaradeilum við flugvirkja, sem lögðu niður vinnu hluta úr degi síðustu þrjá daga. Fundað var á ný í gær, en ef þær viðræður skila ekki árangri munu flugvirkjar aftur grípa til aðgerða 20. júní. - þj

Vægir dómar fyrir khat-smygl

Meintur höfuðpaur mannanna sem smygluðu hingað 58 kílóum af fíkniefninu khat í síðasta mánuði hlaut fjögurra mánaða fangelsisdóm í Héraðsdómi Reykjavíkur í gær. Hinir þrír sakborningarnir voru dæmdir í tveggja mánaða fangelsi.

Siðlausar og ólöglegar aðgerðir stjórnvalda í Sýrlandi

Fjöldi fólks hefur flúið frá Sýrlandi til Tyrklands frá því á miðvikudagskvöld. Óttast er að árás á borgina Jisr al-Shughour sé yfirvofandi. Stjórnvöld segja að þar hafi vopnaðir hópar uppreisnarmanna drepið yfir 120 öryggissveitarmenn.

Hlaupagarpar komnir í Mývatnssveit

Fjórmenningarnir sem hlaupa nú um landið til að safna fé til styrktar krabbameinssjúkum börnum eru komnir í Mývatnssveit. Í gær var hlaupið frá Egilsstöðum og um Möðrudalsöræfi en þá lenti hópurinn í snjókomu, slyddu og slabbi. Einn úr hópnum átti afmæli og hafði á orði að hann hefði aldrei á sínum 42 árum fagnað afmæli í snjókomu.

Ingvi Hrafn: Ég er bara dæmdur maður

"Fjögurra ára martröð er lokið,“ segir sjónvarps- og blaðamaðurinn Ingvi Hrafn Jónsson sem í dag var dæmdur, ásamt eiginkonu sinni, til að greiða 23 milljónir fyrir skattalagabrot. Hann segir að ástæða ákærunnar sé vanræksla endurskoðenda.

Tveggja og fjögurra mánaða fangelsi fyrir Khat-smyglið

Þrír karlmenn voru dæmdir til tveggja mánaða fangelsisvistar og sá fjórði í fjögurra mánaða fangelsi í Héraðsdómi Reykjavíkur í dag fyrir smygl á 58 kílóum af fíkniefninu Khat hingað til lands.

Katrín Jakobsdóttir búin að eiga

Katrín Jakobsdóttir, menntamálaráðherra, eignaðist sextán marka strák í dag en það er þriðja barn hennar og eiginmanns hennar, Gunnars Sigvaldasonar. Fyrir eiga þau tvo stráka, þá Illuga og Jakob.

Vítisenglar sverja af sér kannabisræktendur

„Við könnumst ekkert við þetta. Það hefur enginn Vítisengill eða nokkur okkur tengdur verið handtekinn,“ segir Einar Marteinsson, forseti Hells Angels á Íslandi, en lögreglan tilkynnti á vef sínum í dag að tveir karlmenn grunaðir um að tengjast Vítisenglunum hefðu verið handteknir og væru grunaðir um kannabisræktun auk vopnalagabrota.

Rafmagn komið á í Vogahverfinu

Rafmagn er nú komið á í Vogahverfinu í Reykjavík að nýju en á fjórða tímanum varð það óhapp að verktaki sem vann við borun við Langholtsveg setti borinn í háspennustreng. Óhappið olli rafmagnsleysi í hluta hverfisins. Ekki er vitað til neinna óhappa vegna þessa en verktakar geta aflað sér allra upplýsinga um legu strengja hjá Orkuveitu Reykjavíkur, að því er fram kemur í tilkynningu frá fyrirtækinu.

Rafmagnslaust í hluta Vogahverfis

Rafmagnslaust er í hluta Vogahverfisins í Reykjavík eftir að háspennustrengur bilaði. Vinnuflokkar frá Orkuveitu Reykjavíkur vinna að viðgerð og er vonast til að rafmagn komist aftur á innan stundar.

Metfjöldi sækir um í Háskóla Íslands

Metfjöldi umsókna hefur borist Háskóla Íslands vegna skólavistar á komandi haustmisseri, eða ríflega 9200 umsóknir. Á síðasta ári var fjöldinn 8.300. Rúmlega sex þúsund umsóknir um grunnnám bárust skólanum og nemur fjölgun slíkra umsókna á milli ára tæpum 14 prósentum. Þá fjölgaði umsóknum um framhaldsnám um tæp 12 prósent en þær reyndust rúmlega þrjú þúsund talsins Þegar horft er til einstakra sviða Háskólans bárust flestar umsóknir um grunnnám á Hugvísindasviði eða 1.735. .

Vildi milljónir í miskabætur - kyrrsetning olli hugarangri

Héraðsdómur Reykjavíkur sýknaði ríkið, Tollstjóra og Skattrannsóknarstjóra ríkisins af skaðabótakröfu Skarphéðins Bergs, fyrrverandi stjórnarformanni FL Group.

Sjónvarpsstjóri dæmdur í 6 mánaða skilorðsbundið fangelsi

Ingvi Hrafn Jónsson, sjónvarps- og blaðamaður, var í dag dæmdur í sex mánaða fangelsi, skilorðsbundið til tveggja ára, fyrir skattalagabrot. Þá var hann dæmdur til að greiða 15 milljónir króna í sekt. Eiginkona hans, fékk þriggja ára mánaða skilorðsbundinn dóm og þarf að greiða átta milljónir króna í sekt.

Dæmdur fyrir heimabankarán og frelsissviptingu

Karlmaður var dæmdur í 20 mánaða óskilorðsbundið fangelsi í Héraðsdómi Reykjavíkur í morgun fyrir að hafa, ásamt tveimur öðrum karlmönnum, svipt mann á sextugsaldri frelsi sínu og neyða hann til þess að millifæra rúmlega hundrað þúsund krónur yfir í heimabanka eins af mönnunum.

Gagnvirk orkusýning opnar í Búrfellsstöð á morgun

Ný gagnvirk orkusýning um endurnýjanlega orkugjafa verður opnuð við hátíðlega athöfn í Búrfellsstöð laugardaginn 11. júní klukkan 15.00. Sýningin er hönnuð af Gagarín fyrir Landsvirkjun.

B&L og Ingvar Helgason til sölu

Miðengi ehf., SP Fjármögnun hf. og Lýsing hf. hafa falið Fyrirtækjaráðgjöf Íslandsbanka hf. að annast formlegt ferli sem lýtur að mögulegri sölu á 100% hlut í BLIH ehf, móðurfélagi Ingvars Helgasonar ehf. (“IH”) og Bifreiða og landbúnaðarvéla ehf. (“B&L”).